"Ишет мине, әсәй"
Мәҙәни яңылыҡтар
Дуҫтарыбыҙ
һүҙ йомғағы
Дуҫ илатып өйрәтер, дошман көлдөрөп көйрәтер.
Комментарийҙар
-
Һеҙҙең радионы яратып...
-
Рәхмәт, Фәнүзә ханым! Бик...
-
Фәүзиә Ҡотлогилдина...
Беҙҙең донъя
13.06.2017
"Бигерәк тә Пушкинды тәржемә итергә яратам"
Һ. Дәүләтшина исемендәге республика премияһы лауреаты, шағирә Гүзәл Ситдиҡова.
10.06.2017
"Мин яратам һине, тормош!"
Хәйбулла районында оло йәштәгеләр араһында үткән Республика бәйгеһенең төбәк этабынан
08.06.2017
Уйна, дуҫҡай гармуныңды!
Башҡортостандың атҡаҙанған артисы Фирҙүс Шәрифуллин һәм музыкант Таһир Шаһивәлиев.
06.06.2017
"Драматург - яңғыҙ уйынсы"
Яҙыусы, драматург, "Тамаша" журналының баш мөхәррире Сөләймән Латыпов менән әңгәмә.
05.06.2017
Салауат Башҡорт дәүләт драма театры. 84-се ижад миҙгеле йомғаҡтары.
Театрҙың художество етәксеһе Рөстәм Фазылов, актерҙар Лиана Ниғмәтуллина һәм Радик Fәлиуллин.
- « БЕРЕНСЕ БИТ
- ‹ АЛДАҒЫ БИТ
- 1
- 2
- 3
- 4
- 5
- 6
- 7
- 8
- 9
- …
- КИЛӘҺЕ БИТ ›
- ҺУҢҒЫ БИТ »
Комментарий
Комментарий яҙыу
Беҙҙең проекттар
Һеҙҙең фекер
...көн һайын 10-дан һуң "Ашҡаҙар"ҙы тыңлайым...
Һеҙҙең радионы яратып тыңлайым, бигерәк тә "Беҙҙең донъя" тапшырыуҙары оҡшай, көн һайын ҡалдырмай тыңлап барырға тырышам. Һуңғыларҙан "Театр яҙы" тураһындағы тапшырыуҙар йөкмәткеле, матур булды. Фәрзәнәнең яҙыусы-шағирҙар менән һөйләшеүҙәре бик ябай, тыныс ҡына бара... Уларҙы тыңлағанда күңел ял итә. Урал Ниғмәтуллин матур алып бара, тик Тимур Рамазанов тигән егеттең йырҙары ғына дыңғырлаҡ булды, ләкин һөйләшеү былай ҡыҙыҡ барҙы. Ғөмүмән барығыҙға ла уңыштар теләп ҡалам.
Һөйләшеү оҡшаны
Көйөргәҙе районынан яҡташыбыҙ Сулпан Миңлебаева менән тапшырыуҙы рәхәтләнеп тыңланыҡ. Ҡыҙыҡлы тапшырыу өсөн Фәрзәнә Ғөбәйҙуллинаға һәм "Ашҡаҙар" радиоһына ҙур рәхмәт. Уңыштар һеҙгә!!!
мин дә ҡыҙыҡһынып тыңланым
Сулпан Миңлебаева менән тапшырыуҙы мин дә ҡыҙыҡһынып тыңланым.Ошоғаса"Бәйләнештә"селтәрендә уның фәлсәфәүи йөкмәткеле шиғырҙарын уҡығаным бар ине.Шиғырҙары бик оҡшай.Тормошсан,бай йөкмәткеле шиғырҙар ижад итә шағирә. Ҡыҙыҡлы тапшырыу өсөн Фәрзәнә Ғөбәйҙуллинаға һәм "Ашҡаҙар"радиоһына ҙур рәхмәт!Сулпан Рәжәп ҡыҙының хикәйәләре,эсселары тураһында ла фекерҙәрегеҙҙе ишеткем килә.Барығыҙға ла уңыштар теләп ҡалам.с.м.Әлфиә,Баймаҡ районы.
Салауат Әбүзәровтың ижадына мөкиббәнмен
Ҡәҙерле Ашҡаҙар радиоһы! Һеҙҙең тапшырыуҙарҙы интернет киңлектәре аша даими тыңлап барам. Һеҙҙең тыныс, гармониялы тулҡындар ысынлап та күңеллдәргә лә һиллек өҫтәй, хәҙерге етеҙ тормош ритмдарынан бер аҙ тын алып, туҡталып, уйланып алырға форсат бирә. Һеҙгә эшегеҙҙә уңыштар теләйем, яңынан-яңы тапшырыуҙар менән ҡыуандырып торһағыҙ ине, тигән теләгем дә бар. Кисә. БЕҘҘЕҢ ДОНЪЯ программаһына саҡырылған шағир Салауат Әбүзәровтың сығышы бик оҡшаны. Ул һәләтле шәхес, үҙе тыйнаҡ, иманлы кешегә оҡшаған. Уға күп сәләм еткерһәгеҙ ине тыңлаусыларҙан. Һеҙҙе хөрмәт итеп ҡалыусы тыңлаусығыҙ Өфөнән Лилиә.
...рәхәтләнеп тыңланым...
Рәсүл Сәғитов менән Азамат Юлдашбаев ҡатнашлығындағы тапшырыуҙы рәхәтләнеп тыңланым. Ул егеттәрҙе былай ҙа хөрмәт итәм, бынамын тигән, үҙ фекерҙәре булған, шуны матур итеп әйтә лә белгән кешеләр. Шуға күрәлер ҙә инде үҙҙәрен йыш ҡына төрлө сараларға саҡырып торалар. Минеңсә, шундай егеттәрҙән берәй клуб төҙөп ебәрергә кәрәк. Сәләм менән Рәшит.
...рәхәтләнеп тыңланым...
5 февраль көндө Венер Исхаҡов һәм Айгиз Баймөхәмәтов менән ойошторолған әңгәмәне рәхәтләнеп тыңланым. Икеһенең дә ижады менән ҡыҙыҡһынып барам. Афариндар! Уларға ҙур өмөт бағлайым. Шундай аҫыл егеттәр менән матур осрашыу үткәргән Зәки Әлибаевҡа ҙур рәхмәт!
…тыңлауы рәхәт…
25 ноябрь эфирға сыҡҡан «Беҙҙең донъя» тапшырыуының «Әсә янында бала яңғыҙ булмай» тигән сығарылышы битараф ҡалдырманы. Миләүшә Иҙрисова ҡала ҡыҙы булһа ла, башҡортса бик матур һөйләшә, теле бай(!), тос фекерле, тыңлауы рәхәт. Рәхмәт, һылыу!
…тапшырыуҙарығыҙ юғары интеллектуаль кимәл тураһында һөйләй...
Зиләкәй! (Сәғәҙиева) Физалия һәм Илһам Рәхимовтар бигерәк матур йырлай икән. Уларҙың тағы ниндәй йырҙары бар һәм ҡайҙа, нисек тыңларға, тигәндәй ... Әҙерләгән тапшырыуҙарығыҙ (телевидениела ла, радиола ла) юғары интеллектуаль кимәлегеҙ тураһында һөйләй, Зилә, рәхмәт!
«Беҙҙең донъя». Әҙәбиәт.
Гөлназ һылыу! Рита Фәтҡуллина менән әңгәмәгеҙҙә әҙәби тәнҡит булмауы хаҡында һүҙ булды. Ә башҡорт журналистикаһының, әҙәбиәтенең оҫталарҙан-оҫтаһы Әхмәр Үтәбай, Сәлимйән Бәҙретдинов, Азамат Юлдашбаев, Спартак Ильясов, Ризуан Хажиев һәм башҡалар бөгөнгө әҙәбиәткә, журналистикаға ниндәй баһа бирә? Ошо теманы яҡтыртыу мөмкинлеге бармы?
Әйткәндәй, тапшырыуға «Әҙәбиәт донъяһынан яңылыҡтар»ҙы индереп ебәреүегеҙ бик оҡшаны. Рәхмәт! Ихтирам менән, Рәмилә Вахитова.
Тапшырыуҙарҙы тыңлап барыуығыҙ һөйөндөрә…
Рәмилә апай, ҙур рәхмәт! Тапшырыуҙарҙы тыңлап барыуығыҙ һөйөндөрҙө. Әҙәби тәнҡит, шиғриәт, проза хаҡында һәр килгән ҡунаҡтан фекерҙәрен белешәбеҙ. Кемдер ҡәнәғәт, кемдер тәнҡит юҡ, ти. Һеҙ әйткән исемлектәге яҙыусыларҙы ла саҡырырбыҙ тип күҙ уңында тотабыҙ. Икенсе шишәмбелә оҙаҡ йылдар Журналистар союзының етәксеһе булған Марсель Сәлимовтың килеүе көтөлә. С/м Гөлназ Ҡотоева
«Ашҡаҙар»ҙар, баһалап бөткөһөҙ ҙур эш башҡараһығыҙ...
Хөрмәтле Гөлназ ! Яҙмама иғтибар итеүегеҙ өсөн рәхмәт ! Шулай ҙа яҙыусыларҙың, журналистарҙың исем-шәрифен атап үтеүемдең сәбәбен дә яҙмаҡ булдым әле. Беренсенән, Әхмәр Үтәбай ижадындағы фекер тәрәнлеге хайран итә! Уны, мин, донъя кимәлендәге аҡһаҡалдар ҡороноң түрендә ултырыр зат, тип баһалайым. Ә Ризуан Хажиев, Сәлимйән Бәҙретдиновҡа килгәндә, улар Совет заманында, матбуғаттың «аяҡ-ҡулы бығауҙа» саҡта ла, хаҡ һүҙен ҡурҡмай әйтеп, халыҡтың аң-белемен күтәреүгә ҙур өлөш индергән, исемдәре тарих йылъяҙмаһына алтын хәреф менән яҙылыр шәхестәр. Аңлашылалыр,уларҙың радиолағы сығышы көтөп алына. Ҡыҙғанысҡа ҡаршы, йыш ҡына әҙиптәр халыҡ алдына әҙерлекһеҙ сыға. Ни булһа ла һөйләрмен әле, бөткәнме ни һүҙ, тиҙәр, күрәһең. 5, 10, 15 йыл әүәлге радиояҙмаларҙы сағыштырып ҡарағыҙ – бер үк фекер, бер үк һүҙ. Ҡапҡан һайын ҡалъя булмаҫы билдәле, әммә радио тыңлаусы профессор, сәйәсмән, сөгөлдөрсө, эшҡыуарға минең телмәрем нимә бирҙе, тигән һорау ҡуйырға тейештер бит әҙип. Икенсенән, журналистың әңгәмәсеһенә биргән һорауына, һөйләм төҙөлөшөнә иғтибар итергә ғәҙәтләнгәнмен. Һеҙ, Гөлназ һылыу, һәр тапшырыуҙа «Һеҙ бәхетлеме?», «Кешеләге ниндәй сифатты өнәмәйһегеҙ?» тип һорайһығыҙ. Берәү ҙә «Мин – бәхетһеҙ» тип зарланмай. Бөтәһе лә, ялҡаулыҡты, алдашыуҙы, танау сөйөүсене енем (енем!) һөймәй, тип яуаплай. Тимәк, һора-һорама – яуап билдәле. Шулай булғас, был һорауҙарҙы биреү урынлымы? Әйткәндәй, 1990 йылдарҙа «Башҡорт булыуың менән ғорурланаһыңмы?» тигән һорау йыш осрай ине.
Һуңғыһы. Һеҙҙең тапшырыуҙар, әсә телен яҡшыраҡ үҙләштерергә, әҙәбиәт, мәҙәниәт илендә сәйәхәт итергә, сетерекле донъяуи хәлдәрҙе аңларға өйрәтә, йәшәү өлгөһө күрһәтә. Баһалап бөткөһөҙ ҙур эш башҡараһығыҙ, хөрмәтле журналистар! Рәхмәт!
Ихтирам менән, «Ашҡаҙар»ҙы диҡҡәт менән тыңлаусы Рәмилә Вахитова.
«Ашҡаҙар»ҙы Чехияла тыңлайым
Һаумыһығыҙ! «Ашҡаҙар»ҙарға Чехиянан күп сәләмдәр еткерәм.
«Ашҡаҙар» радиоһын даими рәүештә тыңлап барам, дуҫтар, рәхмәт! Айырыуса Гөлназ Ҡотоеваның поэзия буйынса тапшырыуҙары оҡшай, үҙе ихлас, ябай тел менән, тыныс ҡына итеп алып бара.
Бер тәҡдимем бар ине һеҙгә: «Ашҡаҙар» радиоһын … тыңлайҙар тигәндә Прага, Брно,
Мюнхен, Ульм, Биберах ҡалаларын да өҫтәгеҙ әле, зинһар өсөн!
Сөнки минең Германияла – Ульм, Биберах, Мюнхен ҡалаларында тыңлағаным бар. Ҡыҙым Таңсулпан «Ашҡаҙар»ҙы Германияла тыңлай, мин Брно ҡалаһында тыңлайым. Австрияла ла тыңлайҙар. Ғөмүмән, интернет аша күңелегеҙгә ятҡан радионы тыңларға мөмкин, Ер шары бик бәләкәй бит!
Ихластан уңыштар теләп, Миләүшә Ҡолмөхәмәтова.
Беҙҙең донъя.
Тапшырыуҙа музыканы әкренерәк ҡуйыр кәрәктер, юҡһа, һөйләшеүҙе тыңларға ҡамасаулай.
Яуап:
Иғтибарығыҙ өсөн рәхмәт, теләгегеҙҙе тауыш режиссерҙарына еткерҙек.
21 сентябрҙәге «Беҙҙең донъя»
21 сентябрҙә Марсель Ҡотлоғәлләмов алып барған «Беҙҙең донъя» тапшырыуы бик ҡыҙыҡлы, йөкмәткеле булды. Шуныһы үкенесле, һөйләшеү эфирҙа ғына ҡалмай, ысынбарлыҡта үҙ һөҙөмтәһен бирһә ине лә бит.
Сәләм менән тыңлаусығыҙ Байназар.