"Ишет мине, әсәй"

Главная

Мәҙәни яңылыҡтар

Ирек Кинйәбулатовтың юбилейына арнала

Шәмбе, 14 июлдә, Ҡырмыҫҡалы районының Иҫке Бәпес ауыл биләмәһендә урам байрамы үтә. Ул күренекле башҡорт шағиры, Башҡортостан Республикаһының Салауат Юлаев исемендәге Дәүләт премияһы лауреаты Ирек Кинйәбулатовтың тыуған төйәгендә – Абдулла ауылында был көндәрҙә шағирҙың тыуыуына 80 йыл тулыуҙы билдәләү сиктәрендә уҙғарыла. Байрам иртәнге сәғәт 10-да башлана.

Байрамда Башҡортостандың Яҙыусылар союзы рәйесе Зәки Әлибаевтың; республиканың халыҡ шағиры, республиканың Салауат Юлаев исемендәге Дәүләт премияһы лауреаты Ҡәҙим Аралбаевтың; Башҡорт дәүләт университеты профессоры, драматург, яҙыусы, публицист, Ҡырмыҫҡалы районының почетлы гражданы Тимерғәле Килмөхәмәтовтың; Татарстандың халыҡ шағиры, дәүләт һәм йәмәғәт эшмәкәре Роберт Миңнуллиндың; Башҡортостандың Яҙыусылар союзы рәйесе урынбаҫары, Ҡырмыҫҡалы районы башҡорттары ҡоролтайы рәйесе, райондың почетлы гражданы Фәнил Ҡоҙаҡаевтың ҡатнашыуы көтөлә, шулай уҡ Ирек Кинйәбулатовтың тол ҡалған ҡатыны, улы һәм апаһы була.

Абруйлы ҡунаҡтар шағирҙың ҡәберенә барырға, сәскә һалырға күҙаллай. Урындағы Мәҙәниәт йортонда байрамдың тантаналы өлөшө үтә, концерт программаһы ҡаралған.

Ойоштороусылар Иҫке Бәпес, Абдулла ауылдарынан сыҡҡан һәм барлыҡ теләк белдергән яҡташтарын байрамға саҡыра.

Башҡортостан Республикаһының Салауат Юлаев исемендәге Дәүләт премияһы лауреаты, республиканың атҡаҙанған мәҙәниәт хеҙмәткәре, Башҡортостандың Диңгеҙ йыйылышының абруйлы ағзаһы Ирек Кинйәбулатовтың арабыҙҙан китеүенә ике йыл үтте, ул 2016 йылдың 2 июнендә яҡты донъянан китеп барҙы. Шағир тыуған төйәгендә, Ҡырмыҫҡалы районының Абдулла ауылында ерләргә васыят әйтеп ҡалдырҙы.

ЯҢЫ ТАПШЫРЫУҘАР

19.09.2018

Мәшһүр ҡурайсы-йыраусы, остаз

Башҡортостандың атҡаҙанған мәҙәниәт хеҙмәткәре Әҙеһәм Исҡужиндың 90 йыллығы

18.09.2018

Тыуған яҡтар буйлап, уйҙар уйлап...
Башҡортостандың халыҡ шағиры Гөлфиә Юнысова-Иҙелбаева.

17.09.2018

Театр, бөгөнгө көндә уның роле, үҙ асылыңды эҙләү, тамашасы күңеленә үтеп инеү
Стәрлетамаҡ дәүләт театр-концерт берләшмәһе артисы Рафиҡ Хәсәнов.

© ГУП ТРК «Башкортостан» РБ. Все права на любые материалы, опубликованные на сайте, защищены в соответствии с российским и международным законодательством об авторском праве и смежных правах. При любом использовании текстовых, аудио-, фото- и видеоматериалов ссылка на www.ashkadarfm.ruобязательна.

При полной или частичной перепечатке текстовых материалов в Интернете гиперссылка на www.ashkadarfm.ru обязательна. Поддержка и техническое сопровождение сайта осуществляется отделом Интернет-вещания ГУП ТРК «Башкортостан» РБ.

Защита данных Пользовательское соглашение